Is e An Gearasdan (Fort William sa Bheurla, ainmeachadh airson an Uilleam "Orainds") prìomh-bhaile Loch Abar agus, còmhla ris an Oban, aon de'n dà bhaile is mhotha anns an Iar-Ghaidhealtachd.
Tha e na cheann-uidhe coiteanta airson laithean-saora agus, a' tighinn an dèidh Dùn Eideann, thatar ag ràdh gur e an dara ceann-uidhe turasachd ann an Alba. Bithidh sluagh a' bhaile a' dùblachadh as t-samhradh air sgàth uidhir a luchd-turais a bhitheas a' tighinn a-steach.
Tha An Gearasdan a' gabhail a-staigh na bailtean-bheaga Caol, Claggan, is Inbhir Lochaidh, agus tha e faisg air a' chlachan croitearachd Blàr mac Faoilteach, agus na bailtean beaga, Drochaid an Aonachain agus Omhanaich.
Tha am baile air an rathad A82 eadar Glaschu agus Inbhir Nis, agus cuideachd far an tòisich Rathad nan Eilean, a dh'ionnsaigh Mallaig is nan eileanan.
Tha An Gearasdan ainmeil mar am baile aig cas Beinn Nibheis, am beinn as àrd ann an Alba agus, (ann am Monadh Dhruim Uachdair), ach tha mòran bheanntan eile mun cuairt air a' bhaile ; mar Meall an t-Suidhe, agus am monadh mu thuath, Druim Fada.
Tha am baile air oisean dà loch — Loch Iall agus An Linne Dhubh.
Tha An Gearasdan am meadhan dùthaich Clann Camshron, agus chaidh an "gearasdan", no daingneach, a shuidheacheadh gu tusail a chumail nan Gaidheal fodha an dèidh an ar-a-mach Seumasach.
Bha baile beag nas tràithe ann aig Inbhir Lochaidh, làrach a' bhlàir ainmeil, Cath Inbhir Lochaidh.